O Grupo de Investigación en Anatomía Patolóxica Veterinaria (Gapavet) do Campus Terra da USC loita contra unha das principais eivas da industria marisqueira en Galicia, as enfermidades dos moluscos, mediante a especialización de veterinarios/as, así como coa formación de estudantes e graduados en titulacións afíns, no diagnóstico das pataloxías experimentadas por este grupo animal.   A Facultade de Veterinaria acolleu este mércores en quenda de mañá e tarde, e volverá facelo este xoves a partir das 09.00h no laboratorio de Histoloxía, un curso teórico-práctico no que vintecinco alumnos e alumnas adquiren coñecementos básicos sobre a anatomía e histoloxía dos moluscos de interese comercial, o diagnóstico microscópico das súas principais enfermidades (víricas, bacterianas e parasitarias) e as estratexias de loita que se levan a cabo para o seu control.   Antonio Villalba, doutor en Bioloxía pola USC, especialista en enfermidades dos moluscos polo Virginia Institute of Marine Science e relator da primeira xornada destacou que “en Francia incrementouse nos últimos anos a mortalidade do mexillón, por iso é preciso estar preparados e dispor de profesionais formados nesta materia”. Pola súa parte, Susana Darriba, directora da Unidade de Patoloxía do Instituto Tecnolóxico para o Control do Medio Mariño en Galicia (INTECMAR) e que intervirá na xornada do xoves, salientou que “este tipo de formación resulta indispensable non só para os profesionais que traballan en laboratorio senón tamén para formar axeitadamente a técnicos da administración á hora de tomar decisións”.   Estruturado en dous créditos ECTS, neste curso descríbense protocolos de mostraxe e procesado de mostras. A partir de exemplares de ameixas, berberechos, ostras e mexillóns, realizaranse técnicas de diagnóstico rápido (en concreto, incubación no medio fluído de tioglicolato salino para perkinsosis, pegada de glándula dixestiva para marteiliosis ou citocentrifugación para bonamiosis); co fin de que os asistentes se familiaricen co diagnóstico histolóxico. As persoas inscritas no curso realizarán o exame microscópico de coleccións de preparacións citolóxicas e histolóxicas.

Se facilita el préstamo personal en las diferentes comunidades de España.

Las condiciones para pedir un préstamo personal son menos estrictas, durante el...

Acuigen da USC traballa na recuperación do berberecho nas rexións do Espazo Atlántico co proxecto europeo Cockles

Berberechos O grupo de investigación da USC, Xenética para a Acuicultura e a re...

Red Acuícola y de Acuicultura Europea

avisoimpoortantepangasergasxunta ppdegaliciaLa Xunta de Galicia promociona y FINANCIA Panga Presuntamente Contaminado para los Hospitales Públicos de Galicia en clara competencia de los productos pesqueros de las cofradías y mercado gallego.


 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..